الدرس الأول مقدمه ف قواعد البيانات

السلام عليكم ورحمة الله وبركاته 

هانبدأ النهاردة بإذن الله فى سلسلة جديدة عن قواعد البيانات وأول موضوع عندنا هو DBMS.
ال DBMS اختصار ل Database Management System يعنى نظام إدارة قواعد البيانات.
قبل ما نعرف يعنى ايه نظام إدارة قواعد البيانات محتاجين نعرف الأول يعنى ايه بيانات "data" ويعنى ايه قواعد بيانات "database"؟
البيانات هى مجموعة من القيم والمعلومات المجردة الخاصة بشىء معين. 
مثلا لو هانتكلم عليك انتا كشخص هانقول ان البيانات الخاصة بيك منها (الطول - العمر - السنة الدراسية ... الخ). 
أما قاعدة البيانات هى مجموعة من البيانات المترابطة مع بعضها والمعبرة عن واقع حقيقى .
يعنى لو كان عندنا بيانات عنك زى المثال اللى فات ومعاها بيانات عن الكلية اللى انت فيها وكمان عن الدكاترة اللى فى الجامعة والترتيب الخاص بالطلبة فى الكلية بتاعتك ... 
يبقى كده معانا بيانات مترابطة مع بعضها.

البيانات دى بتتكون من الخصائص بتاعتك انت والدكتور بالخصائص بتاعته والجامعة بالخصائص بتاعتها بردو ... الخ.
البيانات دى متجمعه مع بعض بالترابط اللى بينها ده بتكون مفهوم قاعدة البيانات. 
طب ايه هو ال DBMS بقى؟ 
هو عبارة عن نظام برمجى لإدارة وتسهيل التعامل مع قواعد البيانات. كل جزء من النظام ده مسؤول عن وظيفة معينة سواء الوصول للبيانات أو تحديد العلاقات بين أجزاء قاعدة البيانات أو غيرها من الوظائف.
ده باختصار هو ال DBMS. 
من ال DBMS المشهورة: MYSQL – ORACLE – MICROSOFT SQL SERVER