السلام عليكم ورحمة الله وبركاته، بسم الله نبدأ وعلى الله نتوكل ف مقال جديد ف Learn Object Oriented

هنعرف النهارده ي جماعه اى اللى هحتاجه ف البرمجه الكائنيه وليه اشتغل بالبرمجه الكائنيه

• اكثر حمايه ” more secure “

 البرمجه الكائنيه هتفيدنا ف موضوع الحمايه، فا الابلكيشن بتاعك هيكون اكثر حماية لما تيجى تشتغل بالكود ف حاجات هتقع منك ف موضوع الحمايه وممكن تلاقى ثغرات كتيره يعنى هيقف معاك مشاكل وطبعا هتحتاج تراجعها وهتحتاج كتير انك تراجع على الابكليشن بتاعك علشان توصل لثغره معينه، ال OOP هتتعلم فيه حاجات جميله جدا على سبيل المثال ف حاجه اسمها “Encapsulation” بتعملك تغليف ف الكود هتساعدك كتير ف انك تحمى الكود بتاعك وتخلى محدش يقدر يدخل على اى property او Method هو مش مسمحله ان هو يشوفها، ف موضوع الحمايه موضوع مهم جدا جدا جدا

• أكثر ديناميكية ” more dynamic ” 

انت اصلا شغال بلغة برمجه  لغة ديناميكيه لكن مع ذلك ال OOP  هيضيفلك ديناميكيه اكتر، لما كنا بنشتغل ب HTML كنت بتجى تعمل صفحة Home وتحط فيها Header وتاخده كوبي وتحطه ف صفحة زي About جت لغة البرمجه وسهلت علينا الموضوع لما تيجى تعمل مثلا با PHP بتعمل ال Header  ف ملف واحد وتعمله include ف كل الصفحات ف كل الصفحات ولما تيجى تعدل بتعدل على ال Header من ملف واحد اصبح الموضوع دينامك مع ال OOP الموضوع اصبح ديناميكيه ودا اللى هنشوفه ف خلال المقالات اللى بنقدمهالكم باذن الله

• أكثر تنظيما {كابوس المطورين} ” more clean { developers nightmare } ” 

البرمجة الكائنيه مش هتسمحلك ان الكود بتاعك يكون ملغبط لو انت طبعا اتعلمتها صح وبنيت بيها الابلكيشن صح، الكود بتاعك العادى لو جيت تكتب بال PHP حاجات مختلفه عن بعض بيحصل مشاكل لما الابلكيشن بتاعك يكبر وبيحصلك كوابيس من الموضوع ده وتقعد تعدل هنا وتعدل هنا البرمجه الكائنيه بتنظملك البنيه بتاعت الابكليشن بطريقة احترافيه جدا هتخليلك الموضوع سهل والموضوع بتاعك Clean ومتقدرش ان انت يقع منك حاجه دايما التعديل بيكون من مكان واحد بس زي م قولنا انها ديناميكيه

بعض التفسيرات:

انا شايف واحد بيقول انت شغال بتتكلم عن البرمجه الكائنيه البرمجه الكائنيه امال البرمجه العاديه اسمها اي ؟

– Procedural Programming ” البرمجه المجرده ” او ” البرمجه الشيئيه ”

هتلاقي ليها اسماء كتيره جدا، ف متخليش المصطلحات تقلق لانك هتسمع للحاجه 100 مصطلح، انت اللى يهمك من الليله كلها انك تفهم ما دام فهمت خلاص ممكن حتى متعرفش معنى الكلمه يعنى ممكن توصل بيك انك متعرفش معنى الجمله بس فاهم كل حاجه فيها هو دا اللى يهمك الفهم اولا ثم تأتى المصطلحات ثانيا

طب نشوف البرمجه المجرده بتشتغل ازاى ؟البرمجه المجرده بتشتغل ” Line By Line, Block By Block ” يمشي على الكود بتاعك سطر ورا سطر بلوك ورا بلوك علشان ينفذه

بعكس البرمجه الكائنيه هنشوف موضوع ال Class and Object بيتعاملوا ازاى هنشوف اد اى ممكن Class واحد يستخدم الابلكيشن بتاعك كله او يعدلك ف الابلكيشن بتاعك كله لان مفيش حاجه اسمها امشي سطر سطر او بلوك بلوك علشان انفذ البرمجه بتاعتى ودا ميزه من المميزات الجميله جدا ف البرمجه الكائنيه

• انماط التصميم ” design pattern [ Factory, singleton, strategy ]  ”

  انماط التصميم هنا يعنى انماط التصميم الخاصه بالكود هنشوف حاجات كتيره جدا الخاصه ب design pattern لما ندخل عالم البرمجه الكائنيه وهنشوف انواع زي [ Factory, singleton, strategy ] وف انواع كتير جدا ال design pattern حاجه من الحاجات اللى عاوزه 20 مقاله تتكلم عنها يعنى اللى بنتكلم عنه ف المقال ده حاجه بسيطه زي السلام عليكم ورحمة الله وبركاته مش اكتر بس لازم تكون عارف معنى الكلمه

ما الذي احتاجه :

1. Advanced php

   لازم يكون عندك خبره كبيره ف ال php، اه خبره كبيره اللى يقولك غير كدا هيخليك تشد ف شعرك علشان تتعلم ال OOP ليه !! متعلمنيش درسين PHP وتقولى ادخل OOP ؟ علشان وانت بتتعلم البرمجه الكائنيه هتشوف حاجات غريبه جدا عن كود ال php العادى وانت اصلا لسه بتتعلم PHP  ف لو مشدتش ف شعرك تبقى دى حاجه غريبه لازم اتقن PHP واخترف فيها تمام وبعدين ابدأ اشوف الحاجات الجديده اللى ف البرمجه الكائنيه علشان اطور الابلكيشن بتاعى وانقله لمستوى تانى اخليه احترافى اكتر

2. Text Editor Like SublimeText, Netbeans, AptanaStudio

   انصحك جدا جدا جدا ب Netbeans لانه مجانى وف موضوع ال OOP سواء ل PHP,Java,++C, Python البرنامج ده محترف جميل جدا جدا جدا احنا هنا ف المقالات هنشتغل ب Sublime

3. Full Focus

   التركيز ركز تماما ف المقالات اللى هنكتبها، البرمجه الكائنيه هتفتحلك عالم كبير وهتعمل معاك شغل كويس جدا ف حاول جدا انك تكون مركز ف المقالات ومتوقعش حاجه منك علشان اللى هيقع منك كل حاجه بعد كدا مترتبه عليه

المفروض يا جماعه  نكون جهزنا كل حاجه ومتنسوش يكون عندنا خبره ف كبره ف PHP

ومننساش يا جماعه نشغل اى سيرفر محلى علشان هنشتغل عليه زي XAMPP وغيره  ونعمل فايل بأسم OOP علشان يكون ف كل شغلنا باذن الله اكيد يعنى انت فاهم الدنيا ماشيه ازاى

وإلى اللفاء ف درس جديد ان شاء الله 

كلمات دليلية: object oop oriented php