بسم الله نبدأ وعلى الله نتوكل

ف المقال ده يا جماعه هنبدأ ف اول الدروس العمليه، وهنتكلم عن ال Class and Object  ومكونات الخاصه بالبرمجه الكائنيه .

والشغل بتاعنا كله باذن الله هيعتمد عليهم وهنشوف بعدم اتكلمنا ف المقالات اللى فاتت عنهم وخدنا معلومات نظريه اللى هندخل ف مثال حي مباشرةً .

هنشتغل على اول مثال اللى هو شركة Apple هناخد مثال عملى على اللى شركة ابل بتعمله ف الاجهزه بتاعتها ..

شركة ابل لما تيجى تصنع Devic جديده زي الايفون او اي باد او اى جهاز ليها، بتصمم التصميم بتاعها كامل وتبعته الصين الصين بتصنع منه نسخ كتيره جداً

 

لو روحت على Devic  من بتوع شركة ابل وبصيت على ضهره هتلاقى اول سطر Designed by Apple in California Assembled in China

تصميم بتاعه الداخلى وتصميه كله معمول ف شركة ابل دا هنسميه ال Blueprint او المخطط الخاص بالايفون او اى Device ف الدنيا بتاخد الصين ال Blueprint ده وبتنشئ منه اجهزه كتيره زي الطابعه مثلا لما تطبع منها ورقه تطلعك ورق كتير وعلى حسب م انت عاوز

 

الاول هنتكلم عن Class

نسمي بقى ال Blueprint ده ف البرمجه الكائنيه ال Class

يعنى المخطط “Apple Blueprint Design” اللى apple عملته اسمه Class

تمام احنا قولنا ان ال Class ده بيجمع ال Similae Tasks بتاعتك او الأعمال الشبيهه اللى انت هتعملها ف الويب سايت بتاعك

طب نروح كدا لدرس الاول بتاعنا لما قولنا ان احنا لما نيجى نعمل يوزر جديد يوزر مثلا بضيفه انا كأدمن بضيف اليوزر مثلا عادى او مشرف او ادمن التلاته أعمال متشابهه بضيف ده وبضيف ده وبضيف ده، ف انا عندى Class اضافة يوزر بصفه عامه، بعد كدا كل اليوزرز دى هما دول الاوبجيكتس بتاعتى اللى بتكون الويب ابلكيشن الكامل ف النهايه اللى هو المنظومه النهائيه، يبقى عرفنا كدا ان Class هو Blueprint اللى انا همشي عليه علشان انشئ Objects اللى هي Objects بتكونى الابلكيشن الكامل ف النهايه .

عرفنا فى apple ان ال Blueprint اللى apple بتصممه علشان تبعته الصين هو دا الClass

هنتكلم بقى عن ال Object

اى هو ال Object ده

هنقول IPhone That China Made الايفون والاى باد والاجهزه بتاعت ابل اللى الصين بتصنعها من ال Blueprint ده هو دا يا جماعه ال Object .

طب نروح نقول مين الويب ابلكيشن بتاعنا

انا قولت دلوقتى عندى Class And Object وفاضل الابلكيشن، الابلكيشن هو شركة Apple نفسها على سبيل المثال او ممكن نقول Apple Store ال Store بتاع Apple هو دا الابلكيشن، لو دخلت انت على ال Store بتاع Apple هتلاقى اجهزه كتيره علشان تشترى منها هتلاقى ايفون واى باد وماك بوك واجهزة ابل كلها هتلاقيها، الاجهزه دى اللى هي مين ي جماعه اللى هي ال object اللى هي اتصنعت منين؟ اتصنعت من الClass  اللى Apple بعتته الصين علشان انت تصنع منه .

دا مثال من الامثله البسيطه جدا اللى تفهمك الموضوع، لكن عاوز اقولك ان انت مع الامثله العمليه ومع الكود ومع الدخول ف نظام  انت بتستعمله فعلا زي مثلا تسجيل اعضاء، نظام اضافة مقالات لموقع هتلاقى الموضوع بقى اسهل واسهل من كدا.

انت فعلياً المفروض تكون فهمت الفكره 100% لكن مع الكود باذن الله هتزود الفهم فوق ال 100%

يبقى خلينا نقول على ال Class ..

Class Is A Blueprint That You Can Create Project From

ال Class  ف البرمجه الكائنيه هو المخطط اللى يمكنك من انشاء Object اللى هي ال Object ده اللى بتكون منظومه او بتكون الابلكيشن بتاعى

هنيجى على ال Object ونعرفه تعريف بسيط

Object Is A Member In The Main Application

ال Object بيكون عضو من الاعضاء اللى بتكون الابلكيشن النهائي

مثلا عباره عن طالب من الطليه اللى بيكونوا الفصل

عباره عن بيت من البيوت اللى بيكونوا المدينه

عباره عن دقيقه من الدقايق اللى بيكونوا الساعه

وهكذا

شوفنا يعنى اى اوبجيكت ويعنى اى كلاس

لو طبقتوا فكرة Apple  دى بالزبط بالزبط زي م هيا على الويب ابلكيشن

يبقى عباره عن موقع او برنامج بتسجل فيه يوزرز جديده، لما نسجل فيه ناس جديده بنحتاج نعمل كود الكود ده بنضيف بيه اعضاء جديده ف الموقع عندى ف نشوف بقى ال Class هنا اى “Code To Add New” ف المثال السابق ف المحرر ف الاعلى مين هو ال Object الاعضاء” The Member” اللى ف الموقع اللى انا عملتلهم كود علشان اضيفهم بيه

طب مين الابلكيشن: هو الويب ابلكيشن بتاعى الاصلى اللى انا بضيف بيه الاعضاء دى كلها

دا يا جماعه الفكره بأختصار جدا جدا جدا وتقدر تقول عليها دى فكره نظريه لال Class And Object

وكدا بفضل الله نقدر نقول ان احنا فهمنا يعنى اى Class And Object  قبل م ندخل ف الكود

احنا اتكلمنا وقولنا دا اول الدروس العمليه اللى عملنا فيها فعلا مثال عملى بان احنا نتكلم عن مثال زي الويب ابلكيشن وزي شركة ابل لكن فاضل مثال نكتب فيه الكود

وإلى القاء ف الدرس القادم باذن الله

والسلام عليكم ورحمة  الله وبركاته

كلمات دليلية: oop php