بسم الله نبدأ وعلى الله نتوكل، هنبدأ يا جماعه نتكلم عن سلسله من المقالات عن البرمجه كائنية التوجه وهيكون ده اول مقال فيها ان شاء الله .. وهيكون كلامنا كله باللغه المصريه 

ندخل ف الموضوع ونقول يا هادى 

ما هي OOP ؟

هيا اختصار لكلمة Object Oriented Programming يعنى "البرمجه كائنية التوجه" هناك طبعا مصطلحات كتيره للبرمجه الكائنيه لكن بعيد عن كل ده عاوزين نتعلم مع بعض بس البرمجه الكائنيه عملى ونشوف هنغير ازاى ف الابلكيشن العادى بتاعنا ازاى ونخليه يمشي بطريقة البرمجه الكائنيه ونشوف هنستفيد اى منها ودا طبعا اهم بكتير ان انا اركز ف معنى  الجمله او المصطلح

• البرمجه الكائنيه هي طريقة لكتابة الكود يعنى مش لغة برمجه بتشتغل عليها لا هي طريقة لكتابة الكود ليس الا، نفترض اننا عندنا كود PHP عادى اقدر اكتبه بطريقة OOP

 مثال :-

انت عندك ويب سايت فيه لغة تحكم وانت كأدمن بتدخل تضيف فيه يوزر ومقالات وتعدل وتمسح وكل اللى انت بتعمله ف البرنامج بتاعك كل ده اسمه Task البرمجة الكائنيه بتسمحلك بتجمي كل Tasks دى ف Class معين

• يعنى هيا بتساعدك كتير ف تجميع الData وتنظيم البنيه الخاصه بال Application

ممكن متكونش فاهم الكلام ده نظرى بس لما نشرح ف المقالات اللى جيا عملى هتفهم كل حاجه ان شاء الله .

• البرمجة الكائنية التوجه هي عباره عن مخطط وليست لغه برمجه زي ما قولنا، مخطط مبنى على مفهوم ال Object

  مثال :- انا عندى مدينه وعاوز ابنى ف المدينه دى بيوت وعمارات وشوراع وحاجات كتيره  تعالوا نتكلم عن البيوت، ال Class ده اللى قولنا ننا بنجمع فيه Similae Tasks، اي بقى التاسكس المطلوبه منى ؟ ان هبنى بيت هنا وهنا وف كل مكان علشان اكون المدينه !! هنجمعهم ف Class معين وهنبدأ نجمع ف class ده الTaskes دى كلها وبعدين ابدأ انشي ال Object اللى هي الكائنات اللى هتبنى الابلكيشن بتاعى طب تمام .
  اى هنا الكائنات ومين هنا الابلكيشن ؟الكائنات هنا اللى هيا البيوت  والابلكيشن اللى هي المدينه، عن طريق المخطط ببنى بيوت كتيره جدا دا دا والبيوت بتنشئلى المدينه اللى هي الابلكيشن الكبير اللى انت بتشوفه ال Object دى يا جماعه بيكون ليها خواص وليها طرق، طبعا يا جماعه كل بيت غير التانى وتختلف من المساحه وعدد الغرف وما شابه لكن كلهم بيشتركوا ف نفس ال task .. task انشاء بيت اللى انا بعمله من ال Class

   

• كل حاجه عندنا عباره عن Object كل حاجه انت بتتعامل معاها عباره عن Object

  اليوزر والعربيه والموس : اليوزر اللى بيدخل موقع عباره عن Object اليوزر كائن حى والعربيه كائن غير حى لكن ف النهايه هي Object، اليوزر ده احنا قولنا ليه خواص وليه طرق طب تعالوا نشوف اى الخواص بتاعت اليوزر واى الطرق او الاساليب اللى بيعملها او بيمشي عليها اليوزر ليه ID وليه اسم وليه ايميل وليه باسورد ليه رقم موبايل مثلا كل دى خواص مثلا اما الطرق اللى يقدر يعملها اليورز ممكن يعمل تسجيل دخول يقدر ينزل بوست جديد يعمل تعليق يعمل تسجيل خروجدى اسمها الطرق اللى بيعملها اللى هيا ال Method  ودى طبعا اللى هنعملها عملى ف المقالات القادمه باذن الله .. نيجى بقى للعربيه: العربيه ليها خواص وليها طرق الخواص بتاعتها اللى هي لونها الموديل وزنها حجم تنكها كل دى خواص طب اى هيا الطرق او Method  الحاجات اللى تقدر تعملها العربيه تقدر تجري او تمشي تقدر تقف دوس فرامل .. كذلك الماوس نفس العربيه

بعض المعلومات :-

1. اللغه نفسها مش هيا اللى يتقال عليها OOP الكود هو اللى بيطلق عليه OOP
2. OOP مفهوم ليس جديدا هو موجود من قديم الازل، لكن انت دلوقتى بدور على اللغه اللى انت بدور عليها بتدعم ال oop  ولا لا .
3. php تدعم ال OOP ودى من الحاجات الجميله اللى ف ال PHP

 

من اللغات التي تعمل بال OOP :-

• ++C
• #C
• PHP
• Java
• Python
• swift
• Ruby
• Perl
• Delphi

فيه لغات تانيه طبعا احنا بس عاوزين نقول ان مش كل لغات العالم بتدعم البرمجه الكائنيه

المقاله دى خدنا حاجات نظريه فقط وياريت لو فيه اى حد مش فاهم حاجه او المقاله مش عجبته ياريت يسيب كومنت واحنا نقدر نساعده

احنا قدمنا كل ما بوسعنا وتحت امر اى شخص ف اى حاجه

والسلام عليكم ورحمة الله وبركاته

كلمات دليلية: oop php object oriented