1- مقدمة عن الفلاتر

السلام عليكم ورحمة االله وبركاته

لعل اهم سؤال في خاطرنا جميعا ما هو الفلاتر ؟ وما هذه الضجة من قبل المبرمجين عليه ؟

في البداية اريدك ان تعرف ان الفلاتر ما هو الا اطار عمل او اداة بتمكني من بناء تطبيقات سؤاء للموبايل او الانترنت وذلك باستخدام لغة برمجة واحدة

بمعنى اخر باستخدامي للفلاتر اقدر ابني تطبيقات بتشتغل على الاندرويد والايفون ف نفس الوقت بنفس الشكل ونفس الاداء ونفس كل حاجة

فاصبح لو انا ف شركة دلوقتى والشركة دي محتاجة تسوق لنفسها وبتفكر انها تعمل تطبيق للموبايل فانا عندي اشهر انواع انظمة التشغيل للهاتف هو نظام الاندرويد ونظام ال iOS وعلشان اعمل تطبيق يشتغل على النظامين فالطبيعي انى هاروح اجيب شخص بيقدر يعمل تطبيقات على الاندرويد واللى بيستخدم لغة البرمجة ( الكوتلن او الجافا) وهاجيب كمان شخص لل iOS علشان يعملى تطبيق واللى بيستخدم لغة ( ال Swift او ال Objective C ) وبالتالى هيكون عندي شكلين مختلفين واداء مختلف وحاجات كتير اوى مختلفة .. ودي تعتبر احد الافكار اللى اتبنى عليها ال Flutter

طبعا ف اطر عمل تانية مختلفة بردو واللى بتوفرلي انى اعمل تطبيقات تشتغل على الاندرويد والايفون زي ال (Xamarin - ReactNative ) ودول اشهرهم بالاضافة طبعا للفلاتر

فى الدرس القادم هنتكلم شوية عن التكوين الاساسي للفلاتر وال SDK & UI