كراك • Crack .. باتش • Patch!

بدايةً مصطلح "كراك" بمعنى كسر، اغلبكم صار سامع هالمصطلح مثلاً "تطبيقات مكركه" لو برامج مكركه .. الخ

وكذلك "الباتش" مشهور جداً خصوصاً ببرامج الويندوز والماك وغيرهم، لكن على يقين تام 99% من المستخدمين يستخدم الكراك والباتش بدون ما يفهم شنو هوَ هذا اساساً!

تعال افهمك، وانطيك مثال، وتجرب بنفسك ::)

الكراك: هوَ بالضبط كسر تشفير الملفات وتحويلها من حالة الى حالة أخرى،

كيف يعني؟
مثلاً، رح ناخذ تطبيق معين "Youtube”، ملفات اليوتيوب تكون مشفره وهذا التشفير نطلق عليها تسمية Encrypted

لمن تريد تجي مثلاً تثبت التطبيق "من خارج AppStore، مارح يتثبت .. ابداً

السبب ببساطة لإن تحتاج تكسر تشفير ملفات التطبيق، وتحولة من Encrypted الى Decrypted .. "بغض النظر عن الـ Certificate" مارح اتطرق الها حالياً حتى ما تضيع،

هنا صار عندك مصطلحين جديدة:

• Encrypted = مُشفر
• Decrypted = فك التشفير، وليس غير مُشفر
• Not Encrypted = هذي اسمها غير مُشفر

ضروري جداً تنتبة على صيغة كل مصطلح

طيب شو رح تستفيد من تفك التشفير بمعنى تسويله كراك؟

رح تكدر مباشرة تثبت التطبيق على جهازك، بالجيلبريك وبدون جيلبريك وهم تكدر ترسل اي تطبيق لأي شخص بسهوله تامه .. وكذلك تكدر تعدل على ملفاته الداخلية وتحقن - Inject ادوات خارجية بداخل اليوتيوب نفسه "اكيد سامعين بادوات بلس بلس ++" نفسها بالضبط

شلون رح تصير كراكر - Cracker، وشنو تحتاج من ادوات؟
اذا اهتمامك بالـ iOS، معناها انتَ بالمكان الصحيح .. رح تحتاج هذي الامور فقط:

• - iPhone
• - Jailbreak
• - CrackerXI+ tweak
• - Filza app manager

هذي الطريقة السهله لو انتَ مبتدئ، بعد ما تطور مهاراتك رح تنتقل لطريقة التكريك الاحترافية باستخدام الماك عن طريق الـ Terminal وتبدأ تتعامل مع اكواد، لكن بالاخير الثنين رح ينطوك نفس النتيجة.

شلون تبدي تسوي كراك؟

اول شي، جيب الايفون وسوي جيلبريك وهذي اغلبكم مسويها، وثبت Filza ومتاكد كلكم عدكم، بقى شي واحد بسيط يلي هوَ تثبت سورس + اداة وحدة .. نزلهم منا:

Source: iphonecake
Tweak: CrackerXI+
Version: 1.1.16
او بحال ما اشتغل وياك ثبت
Version: 1.1.8

هنا رح يطلعلك تطبيق عالشاشة اسمة +CrackerXI وانتَ صرت جاهز تسوي كراك!

هسه شتحتاج؟
تحتاج تختار يا تطبيق تريده، وهنا عندك خيارين:

• اما تختار احد التطبيقات يلي مثبتهم على جهازك
• اما تجيب التطبيق من رابط خارجي

افتح تطبيق +CrackerXI، رح تظهر كدامك كل تطبيقاتك يلي مثبتهم، اضغط على Settings بالاسفل وفعل كافة الخيارات وتأكد تكتب اسمك بقسم Cracker Name

ارجع على قسم AppList واختار مثلاً تطبيق اليوتيوب
تاكد بالاول يكون اليوتيوب مغلق تماماً من الخلفية كذلك

- اضغط عاليوتيوب
- رح تظهرلك رسالة يكلك، Would you like to decrypt YouTube؟
- اضغط Yes
رح يحولك اوتوماتيك على تطبيق اليوتيوب ويظهرلك رسالة ثانية Wanna Crack this app؟
- اضغط Yes

رح يكرك التطبيق الك بثواني ويظهرلك رسالة اخيره يكلك العملية تمت بنجاح والملف المكرك صار جاهز بهذا المسار:
Var/Mobile/Documents/CrackerXI/بعدها اسم تطبيقك

هذا المسار موجود بداخل Filza، انتَ اكيد تعرف شلون توصله بسهوله .. جرب اضغط عالتطبيق وثبته على اي جهاز بي جيلبريك رح يتثبت مباشرة ::)

لو ثبتت التطبيق على جهازك مارح يقبل، لازم تحذف النسخه الاصلية بالاول .. لكن تكدر تسوي تكرار للتطبيق بمعنى تثبت نسختين من نفس التطبيق على نفس جهازك من خلال تدخل على ملفات التطبيق وتعدل على ملف info.plist، رح تلكي خيار اسمه Bundle Identifier فقط غيره لأي شي اخر كان

"رح اشرحلكم عن هالموضوع بتعمق واعلمك شلون تكدر تثبت كذلك تطبيقات غير مدعومة على اصدارات مختلفة، وكذلك رح افهمك شلون تخلي اي تطبيق يدعم الايباد وتكدر كذلك تغير اسمه وصورته وهوايه امور ..

هسه فهمت الكراك، طيب شنو الباتش Patch؟

الباتش: عبارة عن ملفات صغيره، تنطيك فعل معين واغلب الباتشات يكون استخدامها علمود تكسر حاجز برنامج لو تطبيق ..

شلون يعني!

لو فرضنا عندك برنامج Word، وكل شويه يظهرلك عبارات مختلفة مثل:
- نسخه تجريبية
- اكتب مفتاح التفعيل
وغيرهم ..

هنا يجي شغل الباتش!
الباتش رح يعدل بالضبط على هذا الكود الداخلي للبرنامج:

Unit for -(void) setPremiumLabel:(id)
_TtC9”app_name”LocationTableViewCell
هنا فقط تحتاج تحول قيمة النقطة الى True، التطبيق مباشرة رح يفهم انو النسخة مدفوعة ويخفيلك بعد رسائل السيريال ونسخة تجريبية وغيرهم

رح اشرحه بتعمق اكثر لاحقاً واعلمك شلون تسوي باتش لأي شي تقريباً،

بعد ما تكمله، رح تلاحظ التطبيق او البرنامج اشتغل 100% بدون ميطلب منك شي آخر، لكن لازم تعرف كل ما يجي تحديث ممكن تحتاج تحدث كود الباتش مالتك علمود تسوي شي اسمه Compatibility بين الباتش والبرنامج مالتك!

حتى تتعمق بموضوع الكراك وتسوي كراكات مختلفة مثلاً باسوردات، اجهزة وغيرهم .. تابع الدوره من هنا مقدمة من Infysec
واما الباتش، والتطوير لأمور اعلى بهواية .. تابع الدوره من هنا مقدمة من Coursera.

كلمات دليلية: coursera crack ios iphone patch